政情：蔡敏君任九龍城民政專員
多區民政事務專員出現人事變動，繼中西區、沙田後，最新係九龍城。政府尋日公布，委任商務及經濟發展局首席助理秘書長蔡敏君為九龍城民政事務專員，接替現任嘅郭偉勳，任期由今日開始。
喺十八區區議會當中，民主派主導十七區，其後仲多次同民政專員有爭拗，多區民政專員亦曾拉隊離場。九龍城區議會早前嘅委員會正副主席選舉中，有部分區議員要求成立委員會，但就被質疑不符區議會職權範圍，郭偉勳曾經建議要重新審視委員會名稱，最後因為區議會主席堅持選舉，佢更拉隊離場。
郭偉勳曾DQ劉小麗
另外，喺一六年嘅宣誓風波中被褫奪了立法會議席（DQ）嘅劉小麗，原本打算喺一八年十一月參加九龍西嘅補選，但當時作為選舉主任嘅郭偉勳裁定劉小麗嘅提名為無效。