政情:岑美霞獲委任中大副校長

中文大學尋日公布高層人事任命,指校董會通過委任港大協理副校長岑美霞,接替張妙清出任中大副校長,將於下月一日生效,任期三年。

曾為港大醫學院助理院長

岑美霞為中大校友,其後到劍橋大學修讀生物化學博士學位,加入中大前除咗係港大協理副校長,仲係生物醫學學院教授,亦曾經出任港大李嘉誠醫學院助理院長,主要工作係涵蓋促進跨學科研究、檢視研究誠信同埋研究生教育。

本身係發育生物學家嘅岑美霞,研究專注於哺乳動物發育人類先天性疾病嘅分子機制,領導嘅研究亦曾成功爭取二千萬元嘅校外資助。同時,岑美霞亦獲中大委任為卓敏生物醫學教授,喺本月二日生效。

第一手消息請下載on.cc東網iPhone/iPad/Android/Windows Phone Apps