商務及經濟發展局局長邱騰華早前講過，今年香港書展將如期於下周三舉行。雖然近日參展書商已進入物流運輸、貨物調動嘅最後籌備階段，但鑑於本港第三波疫情爆發，除咗有專家建議書展延期，唔少參展嘅書商亦感到憂慮，要求延後舉辦今年書展。而台北同德國萊比錫嘅書展，就係顧慮到疫情擴散嘅風險，先後宣布延期或停辦。其實邱騰華應該要同貿發局方面好好咁商量下，盡快構思應變計劃，否則喺書展爆出大規模感染，咁就大件事喇！
