行政會議成員、議員及獨立委員會尋日就第七屆議員嘅薪津安排進行檢討。政府發言人表示，第七屆議員嘅薪津安排會沿用現屆嘅安排，亦即每月薪酬為十萬零一千元。而未計及每年嘅物價調整，第七屆議員薪津安排涉及嘅撥款總額預計約為十三億元，即每位議員每屆約一千八百三十萬元。
第七屆議員會沿用現時的薪津安排，包括每月十萬零一千元嘅酬金及任期內所得酬金總額一成五嘅任滿酬金。另外可獲每年三萬五千一百八十元嘅醫療津貼、每年二百七十七萬零九百七十元嘅辦事處營運開支償還款額、每年廿二萬一千三百一十元嘅酬酢及交通開支償還款額、每年廿二萬一千五百二十元嘅主席酬酢津貼、每屆三十七萬五千元嘅開設辦事處及資訊科技開支償還款額，及結束辦事處開支償還款額，每屆為每年辦事處營運開支償還款額十二分之一嘅款額另加實際遣散費。
政府表示，考慮到現時經濟下滑、勞工市場嘅薪金同就業情況，以及政府最近就凍結公務員同政治任命官員嘅薪酬，及行政會議非官守議員的酬金嘅決定等因素，認為不適宜實施改善薪津嘅建議。