中環出更：張可森貼革命告示 陳樹英疑走數放生

區會議程冇跟進

張可森喺早前曾喺辦事處張貼寫有「屯門特訓」、「讓革命融入生活」字句等嘅告示，被指涉嫌鼓吹參與非法行動，惹嚟市民投訴。民政總署隨即向張發信指其《區議員及區議會轄下委員會成員操守指引》，促佢盡快移除，並將投訴轉介陳樹英；惟陳一度以民政總署信件內容粗疏，以及「革命」一詞用法多元為由，拒絕跟進事件。

民政總署上月初就話已整理全面嘅相關資料，協助陳樹英跟進有關投訴，仲話希望陳能夠秉公處理，唔好令到區議會信譽受損咁話喎。陳當時就話未有時間查閱電郵，若經了解後發現有實質權限亦會跟進；但同時以有其他公務在身為由，指未能即時處理，仲話最快要等到本月七日嘅區議會大會上先可以跟進事件。

之但係，依家區議會網頁上嘅當日大會嘅議程中，仲未見到有呢個議程。咁係咪代表陳樹英係咪唔諗住再處理呢？我哋曾多次聯絡佢，但暫時未獲回覆。

卓妮