今屆議會無法通過垃圾徵費計劃，環境局局長黃錦星大呼可惜。不過有環保團體建議政府，應多管齊下源頭減廢，如加快推動生產者責任制，將環境成本納入產品成本之中，又透過經濟誘因，推動循環再造回收物料，同擴展「中央收膠」先導計劃，以及建立一套全港性嘅廚餘回收系統同網絡。環保團體提出咁多建議，講到尾都係話單靠垃圾徵費措施，並不足以有效減廢囉。唔想堆填區提早爆滿，可能要試吓更換主事官員先至得喇。
