政情：音樂噴泉工程受阻 陳振彬：區會唔應該講政治
觀塘區議會早於今年一月就已經通過暫停興建中嘅音樂噴泉工程，不過去到三月，政府無視區議會決定，指興建音樂噴泉係觀塘區議會過往嘅共識，必須繼續工程以尊重程序同合約精神。觀塘區議會前主席陳振彬認為，唔應該因為政治嘅原因而將市民對噴泉嘅期待推冧，區議會應該講番民生先係o架嘛！
指獲街坊支持
陳振彬在任時可以話係一手扶植音樂噴泉，仲得到麗港城街坊嘅支持。陳話唔應該因為政治原因將市民嘅期待推冧，陳認為區議會應該係講民生嘅，政治唔係區議會層面可以做o架。
陳又諗起過往在任時一直向政府爭取翠屏明渠改善工程，以免天雨驟增嘅水量倒灌入觀塘地鐵站下方嘅行車隧道。
上個星期連續落暴雨，搞到隧道又水浸，依家政府先終於肯畀錢起明渠。陳話做民生事都要有先見之明o架，所以都希望工程能夠盡早完成啦！