綠色先鋒：港珊瑚物種豐富 保護區不足
「香港嘅珊瑚係強悍啲，佢哋可以生存喺一啲陰暗地方，連維港都有珊瑚。」Lily指香港珊瑚物種豐富，全港共有八十四種石珊瑚、二十六種軟珊瑚，種類甚至比加勒比海還要多，其中海下灣已有超過六十種珊瑚種類，「唔好覺得珊瑚冇用，珊瑚死咗係有所謂o架，到時會少好多魚。」
缺監管過度捕撈 資源枯竭
香港海域擁有豐富海洋資源，理應好好保育和守護，但Lily認為本地海洋規劃仍未完善，很多海域價值未被發掘，每當發展時總會受到破壞。她指本港保護區不足，加上缺乏監管、過度捕撈，魚類數目急促減少，本地海洋資源逐漸枯竭，「主要係規管不足，漁船登記制度都係幾年前先有，其實仲有好多方法可以保護呢個海洋。」
「香港在保護海洋方面可以做得更多、更好。」世界自然基金會香港分會海下灣訪客中心主任Pia Ricca指政府需要制訂更嚴厲的保護海洋政策，並大力推動海洋保育計劃。她希望大眾可以更關注海洋生態，並作出實際行動，為保護海洋出一分力。