政情：立會健身室重開 每兩粒鐘清潔
自新冠肺炎疫情以來，立法會綜合大樓內嘅部分餐廳同文娛設施都相繼關閉，之但係隨住疫情慢慢得到緩和，加上政府都逐步放寬「禁聚令」，令早前關閉嘅設施都先後開番喇！立法會秘書處日前亦宣布，大樓內嘅健身室將會喺聽日重開，為咗疫情防控，健身室仲會每隔兩小時會進行三十分鐘清潔添，好似好乾淨咁喎。
餐廳咖啡角亦剛重啟
翻查資料，位於大樓內供議員用膳嘅餐廳咖啡角曾經喺二月初至今個月上旬關閉，直到啱啱過去嘅星期三先重開咋！至於大樓內嘅公共申訴辦事處、圖書館同檔案館就接連受舊年七月大樓遭破壞後，今年初又畀疫情影響繼續關閉，直到上月四日、相隔成十個月先重開番。