政情：買曲奇蛋糕贈長者 徐英偉被批做萬元騷
疫情下政府成日話要同市民共度時艱，各界一直叫問責官員帶頭減薪，政府就遲遲先肯減薪一成。而嚟緊政府派一萬元，市民再關注官員會點樣用呢筆錢，佢哋話會攞呢一萬元，藉住消費刺激本地經濟，但就冇正面回應會唔會捐錢。
網民籲捐一個月人工
民政事務局局長徐英偉早前公開呼籲市民向非政府機構捐出一萬港元，但自己就冇表明會捐錢。局方尋日喺社交網站上載影片，見到徐英偉去社企買咗價值一萬零一百二十元嘅蛋糕同曲奇，之後送畀住喺院舍嘅長者。徐英偉話自己「先使未來錢」，將尚未到手嘅一萬港元作良心消費，令呢筆錢更有價值同意義。
但網民似乎唔收貨，話徐英偉一個月人工大約三十三萬，依家只係貢獻一日人工出嚟，但就放晒上網「做騷」，叫佢捐番一頭半個月人工先好出嚟咁話。