收音機正在播放：「今早天文台發出酷熱天氣警告，預測多區最高氣溫33度。」
小剛說：「我今日搬少少嘢就已經大汗疊細汗，原來天文台已經發出咗酷熱天氣警告。」
小柔答：「我哋大部分時間都喺戶外工作，感受真係特別深刻。但夏天除咗酷熱天氣之外，有時更會遇上風雨交加嘅惡劣天氣。」小剛立即道：「所以呢，在戶外工作真係有好多嘢需要注意o架，例如炎夏開工，最緊要記住幫身體降溫，定時多飲水或其他適當飲料，補充因流汗而失去的水分同電解質。同時要穿着淺色鬆身及透氣的衣物，方便排汗，減少身體吸熱。」
他接着說另一種情況：「除此之外，遇上強風及暴雨嘅情況，就要做足唔同嘅安全措施，例如：將容易被風吹倒嘅物件及散料綁緊或收好，避免進行戶外高空工作或在岸邊工作，盡量留喺室內，免受強風正面吹襲等等。咁當然啦，最緊要喺僱主同僱員應盡早訂明惡劣天氣下嘅工作守則同埋應變措施，咁先可保障僱員工作安全及健康，機構又能夠如常運作。」
小柔問：「嘩，點解你會知咁多嘢？」
小剛說：「因為我成日都會留意天文台同勞工處相關資訊，咪知道囉。如果你有興趣都可以上去睇睇，要注意嘅事項真係講唔晒。」
小柔回應：「好，呢排唔係打風落雨就係酷熱天氣，等我早啲提吓老細做好準備先！」
職業安全健康局
www.oshc.org.hk