保險索償投訴委員會公布舊年嘅投訴個案較前年上升，有議員認為保險公司拒賠，唔可以將責任歸咎喺病人，又批評政府近年大力推廣自願醫保，但對保險糾紛就懶得理，咁係不負責任。話時話，自願醫保嘅原意就係將病人由公立醫院轉投私家醫院，食物及衞生局局長陳肇始梗係落力推銷喇！點解叫自願醫保？有玄機嘅，簡稱「自保」就明白晒，即係市民自己保障自己，事關氹咗你落疊，政府就甩難嘞！認真縮骨。
