政情：譚文豪唔熟書 想捉蟲反被寸

現屆立法會會期仲有約一個月左右就結束，但做咗四年議員嘅譚文豪（Jeremy）好似仲未搞清議事規則喎。話說尋日財經事務及庫務局局長許正宇到立法會回應議員口頭質詢時，喺首輪回答因為冇跟提供畀議員嘅書面回覆稿讀，搞到Jeremy以為捉到佢痛腳，即刻起身提規程問題，話之前議員冇照書面問題讀就畀主席梁君彥叫停，但係許冇照稿逐字讀，梁又唔出聲，疑似葡萄梁大細超。
麥美娟（圖）揶揄譚文豪唔熟議事規則。（袁志豪攝）
麥美娟（圖）揶揄譚文豪唔熟議事規則。（袁志豪攝）

無睇規程就質疑 麥美娟揶揄

之但係，喺Jeremy講完佢個規程問題之後，梁君彥就即刻駁回，仲解釋番正確規矩係議員必須跟稿讀，而官員嘅回應就以現場答覆為準，而呢個規矩都喺文件最下方，有個備註清楚列明，所以Jeremy所提出嘅質疑並唔涉及規程問題。

跟住樣衰咗嘅Jeremy再送多次機會畀人潤佢，向梁君彥確認「係咪官員唔使照稿讀？議員就要照讀？」梁都耐性咁答「係」，仲話呢個係以往一般嘅做法，咁Jeremy都只好面懵懵咁坐番底。之後到議員麥美娟起身發言嗰陣就忍唔住要抽水啦，冇氣咁講「主席你開個補習班先啦」，揶揄嘅味道真係非常濃厚。

譚文豪（袁志豪攝）
  • 譚文豪（袁志豪攝）

第一手消息請下載on.cc東網iPhone/iPad/Android/Windows Phone Apps