政府尋日宣布開展另一次減廢回收嘅宣傳運動，要話提升現有社區回收中心規模以擴大回收物種類，同埋加強市民「走塑」文化同乾淨回收嘅意識咁話。不過有環保團體就指出，今次運動只係政府痛失垃圾徵費立法嘅亡羊補牢措施，覆蓋面同成效都好有限，又認為全面落實全港性嘅中央收膠計劃，並且盡早推出飲品塑膠樽生產者責任嘅法規，先至係對症下藥嘅做法。環保團體嘅建議，唔知環境局局長黃錦星收唔收到呢？
