政情：亂港公僕與民為敵 林志偉籲清除「瘀血」
去年反修例示威期間，最少有四十名公務員被捕同被停職，其中消防處就佔咗十一人，政府呢次真係捉老鼠入米缸，自己攞嚟衰。警察隊員佐級協會主席林志偉尋日主持協會就職典禮時話，對於有個別公職人員一方面每月領取政府俸祿，另一方面又打着反中亂港旗號與政府及市民為敵，實在無法認同佢哋嘅工作會對社會有咩裨益，亦難以將佢哋視為共同乘風破浪、向前邁進嘅夥伴。
「食君之祿 增君之憂」
林又話，正所謂「道不同，不相為謀」，管理法則無異於養生之道，一旦發現瘀血就要立即清除，拖到瘀血擴散時只有後悔莫及。佢仲奉勸呢小撮「食君之祿，『增』君之憂」嘅人，不如早日以體面嘅方式自己離開政府，無謂招佢哋同路人嘅白眼，忍辱負重去賺取佢哋唔配擁有嘅人工。