政情：公民講場：食署滅鼠不力 恐變幫兇播疫

近期喺社區爆發嘅疫情仲未搵到源頭，暫時又冇疫苗，市民要習慣戴口罩嘞！要做好防疫，有專家話街市唔係農場，冇適當措施處理動物，強調街市唔應該有糞便同老鼠等，否則容易傳播病毒。話時話，食物環境衞生署被鬧爆滅鼠不力，無論用傳統方法同新科技都捉唔到老鼠，署長劉利群再唔諗吓有乜嘢有效方法滅鼠嘅話，仲講乜嘢防疫，簡直係變咗播疫幫兇。