政情：公民講場：漁護署執法手軟 破壞王橫行郊野

日前網絡流傳一位女遊客到大嶼山芝麻灣遊玩期間，撈獲大量海洋生物，佢除咗展示當日嘅「戰利品」，更詳細列出前往方法以及所攜帶工具，儼如一篇旅遊攻略。愛惜郊野嘅網民好多都睇唔過眼，又指若非疫情封關，會惹來更多遊客倣效，後果不堪設想。其實香港係有法例保護郊野地區，但奈何執法不力，以致類似嘅消息時有所聞。漁農自然護理署署長梁肇輝若果喺執法上唔加緊力度，損害郊野嘅破壞王恐怕會陸續有來。