綠色先鋒：克服殘障 上山下海探索大自然
Stony十六歲時曾遭遇交通意外，影響活動能力。當年香港排隊意識薄弱，Stony在等候巴士期間，輪候的乘客爭先恐後上車，互相推撞下，把排在前位的Stony推出馬路。巴士輾過他的左腳掌，雖然巴士馬上後退，但仍令其左腳掌的部分皮肉脫落，需要進行手術切除，把小腿部分肌肉修補至腳跟，「當時醫生話要鋸咗佢，方便護理，但我阿媽堅持唔鋸。」
巴士輾過 16歲傷腳掌
「我十六歲遇上交通意外，十八歲先開始做到嘢。」這次交通意外令Stony失去兩年光陰，兩年間他不斷進出醫院打破傷風針及治療，更要輟學休養。但Stony提及此事時，沒有埋怨和難受，甚至笑言不是一件壞事，「因為我屋企人多，我要做好多家務，又要服侍佢哋，但呢件事之後我咩都唔使做，好似大少爺咁。」
「受傷咪受傷，對我生活冇咩大影響。」樂觀的Stony並沒有因傷勢自暴自棄，反而積極面對人生，繼續攀山涉水，探索大自然。他曾經試過連續行山十多天，令到腳掌不堪負荷，受傷流血。數十年過去，Stony仍然要定期覆診，並訂造專用鞋墊，否則無法走路，「但有咗鞋墊之後，我做咩都得，上山落海都可以。」