本港基層醫療問題多多，港府近年有意發展基層醫療服務，又話成立咗地區康健中心，點知就被批評宣傳離地，又話喺新冠肺炎疫情期間嘅支援唔夠。面對依家公營醫療系統壓力爆煲，有智庫就建議，港府應該參考外國經驗，同埋成立「基層健康管理局」去規劃基層醫療健康服務。其實香港嘅醫療問題都唔係依家先出現，唔少人都提出建議，不過食物及衞生局局長陳肇始都繼續懶理，長此下去只會令班小市民受苦，真係慘喇！
