香港足球總會被指舊年聘請菁英發展教練時，未有做好審批工作，足總主席貝鈞奇批評有人抹黑，令足總以至本港球圈形象受損，仲呼籲大家要團結，同向足總提出有建設性嘅建議。查實足總多年嚟都被批評喺管理上出問題，審計署上月更狠批足總有「十三宗罪」，無論喺機構管治、人力資源管理以至行政上均有所不足。十年過去，由足總推動嘅「鳳凰計劃」同「五年策略計劃」都未能幫助香港足球重生，睇嚟要搞好港足之前，先要搞好足總？
