中環出更：女職員遇襲鄭泳舜怒罵暴徒懦夫
疫情未過但黑暴已經捲土重來？議員鄭泳舜（Vincent）表示，有該政黨職員尋日畀人突襲打傷面同眼，要送院治理。Vincent去咗醫院探嗰位職員，職員都表示好驚，Vincent強烈譴責暴徒欺負弱者，係懦夫嘅行為。
Vincent講述事發經過，指嗰位女職員尋日喺深水埗幫手擺街站，中途返去辦事處拎水時，發現有一張寫有粗口字句嘅單張貼喺辦事處嘅橫額上。嗰位職員打算將單張撕落嚟，點知就畀後面一位戴着黑色口罩嘅男子攻擊，出拳打臉，其他在場嘅職員同義工迅即圍住個施襲者，之後報警拉人。
口角都冇 就被打到幾乎暈低
收到消息嘅Vincent前往醫院探望，遇襲職員同佢講，話當時同對方連口角都冇，就遭人揮拳相向，以致眼同面部受傷，不但幾乎暈低，視力更一度模糊。Vincent對暴徒嘅行為予以最大譴責，批評暴徒用政治理念做借口，對弱質女流悍然施襲，簡直係懦夫嘅行為。對於驚唔驚自己都有機會遇襲，Vincent就話會盡量小心，同埋提醒職員以後都唔好單獨行動喇。
卓妮