經過一輪爭拗後，考評局終於決定取消中學文憑試（DSE）歷史科「賣國」試題，教育局局長楊潤雄仲話試題本身係個錯誤，最負責任嘅做法就係取消咗條題目，但風波並未因取消試題而平息，事關唔單止有大批教師怒火中燒，聯署反對有關決定，亦有學生團體喺下周入稟法院，提出司法覆核同申請禁制令。話時話，楊潤雄呢頭撲火未撲熄，嗰頭又火燒身，唔知佢點拆招嘞！
