我有正能量：爭執始知被收養 感激陪伴成長
「初時我養父都支吾以對，直到我養母同佢講係時候要畀我知。」四十四歲的Paul是另一名Winnie協助的尋親者。他於初生時被棄於太子一間留產所，及後經中間人轉送給養父母。他在二十多歲時，和養母的一次爭執中才發現自己被收養。他當時感到晴天霹靂，直至養父母都離開人世，才開始尋找生父生母，「養父母畀咗衣食住行我，我覺得佢哋在世時要一心向住佢哋。」
養父母離世感迷失
「依家有自己家庭，我可以畀到嘅都盡量滿足個仔。」Paul指在養父母離世後感到迷失，現時希望尋回親生父母，解開心結。和親生父母失散多年，Paul仍然感恩他們讓自己有在世界生存的機會，「可能親生父母依家生活得好好，我唔係想介入佢哋嘅生活。我只係希望同佢哋有機會促膝長談，兩邊都可以有一個和解。」
