港鐵近年頻頻發生事故，舊年九月東鐵線紅磡站附近就發生列車出軌嘅嚴重事故，造成八名乘客受傷，立法會鐵路事宜小組委員會尋日開會時就有多名議員炮轟港鐵成日出現嚴重意外，儘管係有懲罰機制，但一直以來都未有管理層問責，有議員指港鐵就算罰錢了事，但唔處罰港鐵高層，咪即係罰市民錢囉！
曾任九廣鐵路主席嘅議員田北辰亦狠批港鐵問責文化出現嚴重問題，指港鐵機件維修部總經理同軌道維修部主管應該負責任，但據悉淨係機件維修部總經理被調職。
