政情：陳恒鑌趕走郭家麒 兩人鬧足兩日

郭刻意講錯新冠肺炎名稱

喺前日嘅會議上，郭家麒向食物及衞生局副局長徐德義提問期間，刻意將新冠肺炎講成「武漢肺炎」。而陳恒鑌話喺徐回答之前要澄清，世界衞生組織已經將病毒命名為「二○一九冠狀病毒」，希望議員唔好再講「武漢肺炎」，否則就會裁定為使用「非議會言語」。

而郭仲狡辯話議會入面嘅發言受到保障，講嘅嘢冇侮辱議員或官員，仲鬧陳係傻嘅。陳就忍唔住，直接將郭趕出會議室。

另外，兩人喺會後都繼續嘈交喎。而陳尋日喺社交平台上話郭身為醫生都唔尊重世衞，仲大鬧郭搬出大篇歪理，又以語言辱罵，再一次引證攬炒派嘅素養！而郭都「唔服輸」，喺社交平台繼續狡辯，話根本冇人將「武漢肺炎」列為「非議會言語」囉。