政情：聶德權為手震解畫 稱身體健康
公務員事務局局長聶德權上次見記者時出現手震情況，令人質疑佢嘅身體狀況，係咪能夠履行局長嘅職務。而喺尋日佢見記者期間，雙手一直放前，並冇好似上次咁放喺身背後，亦冇出現抖顫嘅情況。
有記者問佢健康情況點？佢就回應話，上次報道後先發現手震嘅情況，已經問過醫生嘅意見，話自己身體健康喎。
上月調任公務員事務局局長
聶德權喺上月二十二日調任公務員事務局局長，成為問責制實施以來，首次由非公務員出任有關職位。當日佢再次就早前政府新聞稿解釋中聯辦喺香港嘅角色問題出現錯誤及混亂致歉同埋再解畫。但佢喺解釋問題期間，雙手放喺背後，被企喺後邊嘅傳媒拍攝到佢出現手震，當時佢伸展五指，似係想制止手震嘅情況，但仍然震唔停，好不安咁。