旅遊業近年大受打擊，自舊年爆發反修例風波，今年就有新冠肺炎疫情，搞到唔少地方都封晒關，依賴入境遊客嘅生意更陷於冰封。雖然話持續多日冇確診個案，不過疫情都未曾結束，近日陸續有唔少人無懼禁聚令，開始搞番示威遊行。就喺反修例風波時，旅遊發展局主席彭耀佳就曾經提出過唔少方案吸引遊客，當時仲話要停止暴力同混亂先可以重建旅客信心。依家一波未平，另一波又似乎醞釀緊，睇嚟彭耀佳今次都有排頭痕喇！
