政情：今日你上鏡：陳智遠玩蛇 勒頸呼吸困難
受到疫情嘅影響，政府呼籲市民盡量少出街，大家都冇乜嘢節目，但係食物及衞生局前政治助理陳智遠竟然去玩蛇，喺社交平台貼文話「條蛇應該愈嚟愈鍾意我」，真相係條蛇好用力咁勒住佢條頸？究竟搞邊科？
嘆逆市帶團 世界難撈
陳智遠話條蛇對佢好肉緊同熱情，熱情到令佢感到有啲呼吸困難。唔知佢講真定講笑呢，但諗落都好危險。有網民留言話「人見人愛、蛇見蛇勒」，亦有人話好危險喎！陳智遠就話「逆市帶團、世界難撈」、「開工好似攞命博！」佢依家搞文化深度遊，唔知係咪最近疫情下市道唔好，所以佢搵食艱難，危險都在所不計呢？