政情：商戶搞聯署 黃碧雲被拖落水
疫情影響下，百業重創，有食環署轄下街市嘅熟食中心租戶，不滿政府首輪防疫抗疫基金遺漏咗佢哋，於是就向自行發起聯署，要求政府提供協助。但係聯署信未有事先徵求議員黃碧雲（一舊雲）嘅同意，話會同佢哋一齊爭取。
呼籲檔主勿繳行政費
但去到尋日，有參與聯署嘅商戶詢問之下，一舊雲先至發現，佢哋喺三月份發起嘅全港簽名運動，要求熟食中心租戶聯署，一齊向政府爭取應急資助，倘若最終獲得政府發放津貼，租戶所獲發嘅金額當中嘅一成，就要繳付畀簽名運動嘅發起人，以作為爭取行動嘅行政費，但係未經佢同意以及授權下，聯署信中有提及佢。因涉及錢銀關係，佢認為必需向外界澄清，今次聯署同佢無關。
身為食物安全及環境衞生事務委員會副主席，一舊雲又呼籲熟食檔主千祈唔好向任何人繳付行政費，若果有任何問題，都可以直接聯絡佢嘅議員辦事處，去尋求協助或者查詢。