中環出更：肥彭又回魂 對港事務說三道四

中聯辦早前發稿，指國務院港澳辦同中聯辦唔係《基本法》第二十二條所指一般意義嘅「中央人民政府所屬各部門」，兩辦亦發稿點名評論有關立法會內務委員會選舉主席嘅事宜。

話說肥彭寫信畀英國外相藍韜文，而英國人權組織「香港觀察」（Hong Kong Watch）刊登咗信中內容，肥彭指中聯辦聲稱可以對香港事務行使監督權，係破壞中央對香港有高度自治嘅承諾。

自以為仲係港督 話同社會代表交流

唔單止又再說三道四，佢仲當正自己係做緊港督咁，話曾經同香港公民社會嘅代表交流，指嗰啲代表擔心中央將會大規模褫奪民主派參加立法會選舉嘅資格，甚之取消選舉，佢希望英國政府關注中方違反《中英聯合聲明》嘅問題，同埋日後中方可能削弱香港法嘅行動喎。

「廿三萬監察」發言人王國興直指香港回歸近二十三年，肥彭經常對香港事務指指點點，實屬多餘！佢又話香港回歸後一直遵從《基本法》，反而英國同肥彭都冇權干涉香港事務，又批評肥彭都只不過想刷存在感。佢批評肥彭為香港添亂之餘，仲故意炒作，意圖配合亂港人士撐黑暴，到最後都只會自己出醜咋！

卓妮