政情：西九工程拖近一年 盧偉國斥泛民拉布禍民生
泛民主派議員不停拉布，搞到工程撥款申請大塞車，加上早前嘅修例風波同埋疫情影響，好多工程都被延誤。工程界議員盧偉國尋日拍片，呼籲市民必須認清，「攬炒、拉布、泛政治化」唔單止癱瘓政府嘅運作，實際上仲會禍及市民嘅生活與生計添！
盧偉國以西九文化區為例，話政府需要興建一個多層超級綜合地庫，將包括交通運輸、機電設備、排水排污等公共設施全部放入地底，而綜合地庫嘅重要部分涉及一百八十八億港元，相關工程喺舊年五月已獲立法會工務小組批准，但就被泛民拉布，搞到拖延至本年三月二十日先至喺財委會通過撥款申請。
籲市民認清禍害
咁其實有乜嘢影響呢？盧偉國話如果地庫工程未完成，上層建築就起唔到，所以工程延誤接近一年，嚴重影響工程業界生計之餘，仲影響到西九文化區嘅建設。最後佢呼籲市民唔好覺得拉布係「新常態」，反而應該認清呢種禍害呀！