新一份財政預算案喺二月底公布話全民派一萬蚊，預計暑假派錢即被炮轟太慢，跟住話七月底可申請，八月派，又被鬧爆，依家政府話努力同銀行系統做接駁，預計六月底可申請，七月開始收錢，先後提前咗兩個月，但市民仍然好不滿。梗係喇，關愛共享計劃派四千蚊，用咗十九個月呀，財經事務及庫務局局長劉怡翔咁有「效率」，市民唔驚先奇，依家市民等錢使，唔該劉怡翔快手啲喇！
