中環出更：3日逾10萬人聯署 要求陳淑莊下台
身為大律師嘅公民黨議員陳淑莊早前涉嫌喺「禁聚令」期間，喺深水埗一間酒吧同四十人聚會，違反唔可以多過四人聚會嘅規定。《要求陳淑莊下台大聯盟》由上周五開始喺網上啟動聯署，截至尋日下晝五點幾，已突破十萬人參與聯署。聯盟召集人之一嘅李梓敬話由聯署嘅反應睇嚟，市民對陳淑莊嘅行為相當不滿，陳應該盡快「下台」。
斥違令聚集酒吧 團體促自首
《要求陳淑莊下台大聯盟》日前喺大圍發起聯署活動，提出五大訴求，包括公開當晚酒吧閉路電視片段；公開當日出席人士名單並進行十四日隔離；要求陳淑莊同當晚在席嘅香港中小企食店聯盟召集人林瑞華公開道歉；要求有關人士主動自首；以及要求陳引咎辭職。
李梓敬呼籲市民唔好畀聯署停止，一定要推到陳淑莊引咎辭職。至於陳淑莊早前就死撐指自己係以議員身份去開會，抵達涉事處所時已經「半落閘」，亦清楚貼上「Private（私人）」嘅字樣。
卓妮