疫情持續，政府瞓身抗疫，話說尋日喺特別財委會上，喺班議員大肆批評政府抗疫慢幾十拍之際，有議員就批評當局懶理鼠患，仲話有街坊話衞生情況比以前更差。話時話，外界猛烈批評食物環境衞生署滅鼠不力，若果署長劉利群將專注力全部放晒喺抗疫，懶理鼠患，而令問題加劇嘅話，即係環境更加惡劣，容易孳生病菌，到時市民嘅健康同樣不受保障，唔該佢落力啲去滅鼠，唔好顧此失彼喇！
