政府前兩次派錢都用咗好長時間，其中前年派四千蚊就用咗十九個月，今次財政預算案話向年滿十八歲嘅香港永久性居民派一萬蚊，筆錢又要幾時先至到手呢？財經事務及庫務局局長劉怡翔尋日出席立法會財務委員會特別會議，並無明確回答派錢日期，只係話正同銀行把握時間準備喎，目標係七月份畀市民登記，即係話拖到暑假都唔知有冇着落，劉怡翔派咁多次錢都係冇吸取經驗加快處理程序，若果要等呢筆錢嚟應急的話，真係畀佢玩殘。
