確診個案不斷增加，尋日更發現博愛醫院有病人或喺院內染疫，隨即令人擔心會唔會大爆發，變成沙士威爾斯醫院8A病房2.0。有說今次染疫可能同病房擠迫有關，其實依家公立醫院已逼爆，治療染疫病人嘅一線病房爆滿、二線病床都擔心不敷應用，醫管局主席范鴻齡同行政總裁高拔陞就算想再加床，睇怕插針都插唔入喇！負責任嘅政府就應該快啲搵地方搞檢疫中心，唔通想睇住醫護人員冧檔？
