政情：員工在家工作無王管？ 王嘉恩：交足功課就得

交唔到貨 超時當值都枉然

然而遠離老闆視線範圍嘅員工喺當值時間，相約三數好友去郊遊嘅話，身為老闆嘅王嘉恩又會唔會介意呢？佢話當然介意喇！擅離職守之餘，又將郊遊嘅影像放上社交媒體「打卡」，惹來外界非議，咁蠢嘅僱員，老闆點會唔介意呢？

佢又補充話，其實一旦實施在家工作，員工身處何方，其實佢唔太介懷，只要對方能夠按時交足功課就得嘞，否則交唔到貨嘅話，就算喺崗位上超時當值都係枉然。

講起在家工作，佢話自己公司近來安裝一套電腦軟件，可以將唔同地點嘅同事連結埋一齊開會。佢話會議軟件不但操作簡易，如果使用唔超過四十分鐘嘅話就豁免收費，無形中促使大家長話短說，改善會議效率咁話。