為減少郊野垃圾，政府宣傳自己垃圾自己帶走，仲減少郊野公園嘅垃圾桶，以減省清理嘅人手。但環境局嘅數字顯示，今年一月同二月，漁農自然護理署喺郊野公園內收集到嘅垃圾量比去年同期上升約一成。局長黃錦星經常呼籲市民帶走垃圾，又上載啲相去社交平台，有議員曾鬧爆佢掛住自拍，唔做正經事好離地，依家垃圾量不跌反升，擺明係佢條橋完全失敗，好心佢做番啲實事喇！
