政情：公民講場：學校防疫資助不足 楊潤雄咪側側膊

教育局早前宣布會向全港學校發放一筆過防疫特別津貼，但唔少學校反映防疫物資價格昂貴，資助額唔足夠，有教育團體建議政府喺推出第二輪防疫抗疫基金時加大資助額。老實講，市面上嘅防疫用品仲係高價，而政府採購口罩亦有困難，到依家都冇口罩落到市民手中，所以局長楊潤雄咪當耳邊風亦唔好歎慢板，事關日後復課，因為學生唔夠防疫用品，搞到校內疫情大爆發，政府就害咗班學生。