政情：羅冠聰撲返港 周浩鼎寸點解唔留美國抗疫

羅冠聰喺舊年暑假到美國耶魯大學進修碩士課程，佢前日喺Fb貼文話已返港，但仲要遙距上堂，完成埋呢個學期嘅課程。好多網友留言，對佢突然返港感奇怪，佢就話每日都check住機票，形容心情係好緊張，早兩個星期前終於買到。有網友話佢應該要十四日隔離，但佢無答覆。

我哋問過佢有關由美國返港嘅情況，佢話唔方便喺電話講，但就話會遲啲喺社交平台分享。

「溫馨慰問」 提醒要記得隔離

而Holden尋日亦喺Fb拍片，話要「溫馨慰問」羅，仲話既然眾志同美國嘅關係咁好，而相比之下香港有好多地方嘅表現不濟，提議羅講吓點解唔選擇留喺美國同三億人民一齊抗疫嘅原因，又建議羅或可講下其實臨走之前有冇同美國副總統彭斯交代將會離開當地等事宜，臨尾仲叫大家提醒羅呢排唔好周圍走，記得要家居隔離呀！