政情：袁莎妮離任總商會 視像與同事道別

指醫護奮戰 市民應守本分

Shirley貼文話「醫護人員為我哋在前線勇敢抗疫，我哋最起碼應該守本分做好社交隔離。開派對來日方長，先用Zoom與同事道別，互相問候祝福」。畢竟Shirley喺總商會做咗八年咁耐，花咗唔少心血，同班同事好有感情嘅。

其實Shirley早喺舊年五月就提出請辭，講明做到舊年年尾就走，但最後因為想幫手物色適合嘅總裁繼任人，所以捱義氣做多三個月到尋日先正式離職，而佢喺社交平台上載嘅相，全部同事都向佢畀心心手勢，歡送佢安心做人妻。