新冠肺炎確診個案爆不停，公立醫院嘅隔離病床已用盡。其實好多議員早就提出好多建議，例如搵酒店、主題樂園空地同郵輪等做隔離病房或檢疫中心喇，但食物及衞生局局長陳肇始都充耳不聞，喺依家竟然有確診病人冇床位，有議員甚至建議將灣仔會議展覽中心改作臨時醫院，亦係冇反應，外界已鬧爆佢抗疫慢幾十拍，依家紓緩病床荒又一味拖，係咪想搞到疫情社區大爆發呀？
