去年區議會選舉期間，社會示威衝突不斷，有候選人遇襲之餘，仲有不少候選人辦事處被破壞。但即使喺咁嘅混亂情況下，選舉管理委員會主席馮驊法官都堅持要繼續選舉。有團體就狠批馮驊未能杜絕暴力行為，仲話選管會早前提出嘅建議根本冇正視問題，相關法例喺執行層面亦都軟弱無力，市民難免會對日後嘅選舉失去信心！若果馮驊未能對症下藥，只做吓門面工夫就當係回應市民，恐怕問題只會惡化、難以彌補！
