中環出更：政客抗疫政治化 麥美娟 鄧家彪齊轟冇良心

喺疫情陰霾下，唔少市民嘗試從世界各地搶購口罩，但就因為各地政府陸續實施出口管制而未能成事。鄧家彪首先話自己曾經試過喺美資網購平台上訂口罩，但啲口罩就寄唔到嚟香港，質疑早前有民主派人士透過外交通道，先可以從美國運到數以十萬計嘅口罩返香港。

淨係掛住叫美國制裁香港

最近有個新綽號叫「契姐」嘅麥美娟，就隨即炮轟呢班同美國有特殊關係嘅人，批評佢哋喺現時應該對抗疫情嘅時候，仲淨係掛住叫佢哋嘅「契哥」──美國制裁香港。麥仲話，其實全世界依家都只有一個共同敵人，就係呢個新型冠狀病毒，仲強調全球各地嘅人喺呢個時候都應該要團結一致，全力對抗疫情。佢最後仲呼籲呢班一直將抗疫政治化嘅政客要有良心，應該要團結啲，一齊做好抗疫工作。

卓妮