政情：公民講場：羅致光拒發失業金 再扮聾民憤爆燈

受到反修例風波同疫情嘅雙重打擊，倒閉潮同失業潮都出現咗，打工仔手停口停，好多團體要求政府發放失業援助金，但勞工及福利局局長羅致光竟然話冇人同佢仔細咁傾過呢個計劃喎，擺明卸膊，激到啲工會紮紮跳。好嘞，尋日有調查嘅結果發現農曆新年後失業人數升四倍，要求政府發失業津貼。依家基層市民水深火熱，羅致光再係扮聾耳陳，袖手旁觀嘅話，民憤肯定爆燈，到時連佢都收唔到科。