由外國抵港嘅人士要佩戴手帶，但早前因登入唔到程式追蹤唔到，相關部門又要四圍去捉嗰啲違反隔離令嘅人，呢邊已經倒瀉籮蟹，嗰邊湖北省亦解封，將有大量滯留當地嘅港人會返嚟，佢哋要接受家居隔離，但唔使佩戴手帶。咁做擺明係顧此失彼，事關佢哋唔自律嘅話，又多咗班人四圍走，播毒風險極高，市民防不勝防，隨時爆第三波大規模染疫，陳肇始到時補鑊都太遲喇！
