政情：八網難逃：吳文華笑劉慧卿冇記性

究竟係邊個咁有雅興去撐枱腳呢？講緊嘅係前議員劉慧卿（卿姐）同立法會前秘書長吳文華（Pauline），雖然佢哋都離開咗議會，但不時都會相約食飯傾吓偈，佢哋喺日前又再見面，Pauline仲笑卿姐冇記性。

忘記佢鍾意匿喺屋企玩電腦

話說卿姐日前喺社交平台上載咗張相，係佢同Pauline一齊食晚餐，歎日本菜。而Pauline就留言話，冇見卿姐雖有一段時間，但風采依然，仲話卿姐好關心佢每日匿喺屋企悶唔悶。Pauline話卿姐其實忘記咗，佢喺屋企最開心就係成日都可以望住個電腦呀！