林青爆老公收藏沙士時期口罩
喺疫情下人人都戴口罩自保。香港福建三明聯會副會長林青（Erica）早前同公立醫院舊同事敍舊，見對方戴嘅外科口罩係綁帶式，好奇問點解唔用簡便啲嘅掛耳式，原來係因為口罩供應緊張，十幾年前剩落嘅舊貨都要動用喇。
口罩荒下極珍貴
嘖嘖稱奇嘅Erica返到屋企，發現身為香港收藏家協會前會長嘅老公唐卓敏果然秉承收藏家作風，於沙士肆虐時期珍藏咗四盒外科口罩，雖年代久遠，但保存良好，今時今日口罩荒下真係彌足珍貴。雖然老公樂意獻出珍藏，但對於經營醫療中心嘅Erica而言，區區幾盒必不敷應用。佢之前訂購一批口罩，點知被削減貨額。佢嘅一位朋友向泰國訂購十萬個口罩後，泰國就限制出口，佢朋友惟有親赴彼邦分拆付運以避過限制，仲順手幫佢搜購口罩添。