政情：八網難逃：三代同堂 天文台長笑看風雲

林超英：進入二次退休狀態

唔單止岑智明，仲有另一位前台長林超英。林超英日前喺Facebook貼文話返咗天文台，見證鄭楚明接岑智明棒，出任香港氣象學會主席，於是就造就咗被網友稱為「三代同堂」嘅合照嘞！其實，當年由李本瀅接任林超英做台長，若李本瀅當日都有出席，咁就真係「四代同堂」嘞！所以林超英都話不知不覺間，佢已升任前前前台長嘞，仲話好配合佢進入二次退休嘅狀態喎。

仲記得岑智明話過喺天文台三十多年嘅工作中，一直秉持嘅信念係笑看風雲，林超英話岑重點介紹「笑看風雲」，最重要一個「笑」字。天地運行自有軌迹，既提供人類衣食，亦有風雨疾病，需要準備應對，但係唔使憂慮擔心，以笑對之，自有解決之方。