被隔離嘅入境人士要佩戴指定手帶同配合手機程式「居安抗疫」，以便當局監察佢哋有冇遵守隔離令，但被發現無法啟動程式，即係無法監察。政府資訊科技署竟然有咁大甩漏，任由啲隔離人士周圍走，即係畀啲病毒隨處散播，咁仲得了！班官講就天下無敵，做就無能為力，好似創新及科技局局長楊偉雄都唔知點做嘢嘅，早前仲話稍後會推出啲電子手環，加入新科技嚟追蹤隔離人士，手帶都咁廢，好難令人相信電子手環嘅效用喇！
